Një sasi e madhe mishi pule e importuar nga Brazili dhe me prani të Salmonella Typhimurium është bllokuar nga Autoriteti Kombëtar i Ushqimit (AKU).
Bëhet fjalë për 18.250 kg fileto pule të ngrirë e importuar nga Brazili dhe e futur në Shqipëri nga porti i Durrësit nga kompania AMG.
Rasti është kapur në inspektim nga AKU dhe më pas është dërguar për të bërë analiza në ISUV por nuk ka pasur njoftim nga sistemi evropian. Nga 18.250 kg, një pjesë e sasisë është bllokuar pasi doli me Salmonel.
Pas analizës së realizuar në ISUV më 21.03.2025, ku u identifikua prania e Salmonella Typhimurium në një mostër produkti pule (fileto e ngrirë), e importuar nga Brazili, AKU ka ndërhyrë në mënyrë të koordinuar me strukturat përgjegjëse për gjurmimin, verifikimin dhe bllokimin e produktit, si dhe për marrjen e masave administrative dhe ligjore ndaj subjektit përgjegjës.
Megjithëse AKU thotë njoftimin për shtyp se e ka shpërndarë ‘në kuadër të transparencës’ në fakt nuk jep shumë të dhëna të rëndësishme për konsumatorin shqiptar. Nuk i përgjigjet pyetjeve se kur ngarkesa ka hyrë në Shqipëri, sa është sasia e ngarkesës së identifikuar me salmonelë, sa është sasia e mishit të pulës së infektuar që ka dalë në treg dhe cila është kompania që e ka importuar nga Brazili
Discussion about this post