Dardan Krivaqa dhe Arbër Sejdiu janë dy vrasësit e 18-vjeçares Marigona Osmani, të cilën e hodhën pa shenja jete në Spitalin e Ferizajt. Arbër Sejdiu është vënë në pranga, ndërkohë që bashkëpunëtori i tij Krivaqa, që thuhet se ishte dhe bashkëshorti i Osmanit.
Sot nën moton “Drejtësi për gratë” do të mbahet një protestë në Prishtinë dhe në Ferizaj. Protesta pritet të nisë në Prishtinë në orën 10:30, ndërsa në Ferizaj rreth orës 12:30.
Dy të rinjtë janë kapur nga kamerat, duke hedhur 18-vjeçaren përtokë në derën e spitalit. Krivaqa dyshohet se e ka dhunuar atë për dy ditë rresht deri në vdekje. Fotot e tyre janë nxjerrë nga kamerat e sigurisë dhe janë shpërndarë në të gjitha pikat kufitare dhe drejtoritë të policisë së Kosovës.
Viktima ka qenë e martuar prej dy muajsh me Dardan Krivaqa dhe se familja nuk kishin dijeni nëse ajo ka patur probleme me bashkëshortin.
Për këtë ngjarje të rëndë gjithashtu ka reaguar edhe kryeministri Albin Kurti, presidentja Vjosa Osmani të cilët i kanë kërkuar çdo qytetari të mundshëm të bashkëpunojë për të vendosur para drejtësisë autorin e ngjarjes.
