Universiteti i Tiranës ka edhe 1874 kuota të lira, kur jemi në fazën e dytë të regjistrimeve. Rektori, Artan Hoxha, shprehet se degët ku ka më shumë treg pune janë më të preferuarat, ku përfshihet drejtësia, ekonomiku, inxhinieritë dhe informatika. Ndërkaq në gjuhët e huaja më shumë kërkesë ka në gjermanisht dhe anglisht, dhe vetëm një të regjistruar në rusisht por asnjë në greqisht.
Në Universitetin e Tiranës këtë vit janë shënuar rreth 100 kërkesa më pak nga maturantët, ndërsa të lira kanë mbetur ende 1874 kuota.
“Kuota të lira Universiteti i Tiranës në gjithë programet e veta ka 1874.”
Në degët më të preferuara mbeten drejtësia, por dhe fakultetet ku ka më shumë treg pune.
“94% e lart janë fakulteti i drejtësisë, ekonomisë si dhe programe që kanë interes të posaçëm si financa, drejtësia, informatika ekonomike, administrimi i biznesi, informatike në fakultetin e Shkencave të Natyrës”.
Edhe degët e mësuesisë janë zgjedhur prej maturantëve.
“Në mësuesi janë informatika në FSHN, psikologjia në FSHS, gjuha angleze, gjuha gjermane, biologjia, sociologjia gjuhë-letërsia.”
Anglishtja dhe gjermanishtja janë degët më të kërkuara, ndërsa rusishtja dhe greqishtja po shkojnë drejt mbylljes.
“Në gjuhë greke nuk kemi asnjë të regjistruar, në gjuhën ruse vetëm 1.”
Prej kësaj të hënë nis faza e dytë e regjistrimeve, që do të zgjasë për katër ditë duke ia lënë më pas mundësinë e zgjedhjes dhe në fazën e tretë.
