Një 19-vjeçar nga fshati Barkanesh i Krujës ka përfunduar në pranga, pasi dyshohet se i vuri zjarrin ullishtave të fqinjëve, për shkak të konflikteve të vazhdueshme për pronësinë e tokës.
Sipas Policisë, zjarri u përhap me shpejtësi në territorin e fshatit, duke shkrumbuar sipërfaqe të konsiderueshme toke dhe dhjetëra pemë ulliri. Hetimet zbuluan se autori, shtetasi E. D., kishte precedentë penalë dhe ndodhej aktualisht nën masën e sigurisë “Arrest në shtëpi”, për veprën penale “Kultivimi i bimëve narkotike”.
Pas veprimeve hetimore dhe sigurimit të provave, ai u arrestua dhe materialet procedurale iu referuan Prokurorisë së Tiranës për veprime të mëtejshme.
Discussion about this post