Ish-Drejtori i Kadastrës së Sarandës, Andri Dhima, është liruar nga burgu. Në seancën e zhvilluar ditën e sotme, gjyqtari Fatmir Ndreu ndryshoi sot masën e sigurisë për të nga “Arrest ne burg” në “Arrest në shtëpi”. Pas kërkesës së Dhimës për ndryshim mase sigurimi, e cila ishte hedhur në short në 19 maj, Gjykata e Sarandës mori vendimin sot duke e lënë të lirë.
Kujtojmë se Andri Dhima, 34-vjec u arrestua në 24 mars pas urdhër arrestit të Prokurorisë së Sarandës për “shpërdorim detyre” në kuadër të operacionit “Heshtja 2”.
Prej asaj date, në qelitë e paraburgimit të Sarandës, të arrestuar gjatë të njëjtit operacion, vazhdojnë të jenë ish-zyrtarët e ASHK Sarandë Saimir Braho, Erliton Ymeri dhe Vasil Lango ndërsa në kërkim është ish-Drejtoresha Kozeta Statha.
Discussion about this post