Gjykata e Posaçme (GJKKO) i ka caktuar masën e sigurisë “arrest me burg” ish-oficerit të anti-drogës, Sokol Canameti.
Masa i është komunikuar në ambientet e spitalit, pasi ish-oficeri i policisë ka shfaqur probleme shëndetësore.
Ai akuzohet nga SPAK se ka kërkuar rryshfet 2000 euro, në këmbim të lehtësimit të pozitave ligjore të një të arrestuari për prodhim dhe shitje narkotikësh në tetor të 2022.
Sokol Canameti, ish-punonjës policie pranë Drejtorisë së Tiranës është arrestuar nga prokuroria e Posaçme SPAK, me akuzën e “Shpërdorimit të detyrës” dhe “Korrupsionin pasiv”.
Canameti në muajin Tetor 2022 rezulton ti ketë marë një të riu shumën prej 2 milion e 350 mijë lekë të vjetra, në këmbim të lirimit dhe mos procedimit të tij për akuzën e “Prodhimit dhe shitjes së lëndëve narkotike”.
Canameti është filmuar në momentin, kur ka marë sasinë e parave dhe nisur nga kjo situatë, dy personat babë e bir, kanë vendosur të bashkëpunojnë me Agjensinë e Mbikqyrjes Policore për të bërë të mundur kapjen e tij.
Discussion about this post