2 persona kanë humbur jetën si pasoje e Covid-19 në 20 orët e fundit në Kosovë. Lajmin e bënë të ditur Ministria e Shëndetësisë ku njofton se janë regjistruar edhe 700 raste të reja, një numër ky më i ulët në raport më ditët e fundit.
Ndër të tjera, bëhet me dije se në 24 orët e fundit janë dhënë 1.319 doza të vaksinës kundër Covid-19. Prej fillimit të vaksinimit në të gjitha qytetet e Kosovës janë dhënë 1.798.980 doza të vaksinës. Deri më sot 809.982 qytetarë janë vaksinuar me dozën e dytë, ndërsa janë dhënë 92.117 doza përforcuese dhe doza të treta të vaksinës kundër Covid-19. Sipas të dhënave, janë shëruar 1.589 qytetarë, derisa numri i përgjithshëm i të shëruarve është 202.664, ndërsa në total numri i rasteve aktive është 16.028.
Discussion about this post