Propaganda që qeveria Rama ka bërë që prej dy vjetësh me procesin e Rindërtimit, herë pas herë e ka nxjerrë blof këtë të fundit me deklaratat apo eventet mediatike, që përvec show-t, nuk kanë qëllim tjetër.
Lezha është një ndër qytetet që u prek nga tërmeti i nëntorit 2019, ku shumë familje mbetën pa shtëpi, dhe ende sot pas dy vjetësh nuk kanë banesat e tyre, ndonëse qeveria ia ka premtuar prej kohësh.
Kryetarja e Bashkisë së Kurbinit, Majlinda Cara ka reaguar pasi banorët e Laçit u ankuan se ende nuk janë futur në banesat e tyre, ndërkohë që kanë kaluar 20 ditë nga inaugurimi, ku ishte i pranishëm edhe presidenti turk Rejep Tajip Erdogan.
Në një postim në Facebook, Cara nxiton të sqarojë arsyet e kësaj vonese, ndërsa zgjedh të justifikohet se problemet janë krijuar për shkak të procedurave që duhet të kalojnë fillimisht në Këshillin e Ministrave.
“Për këtë çështje, ditën e mërkurë, datë 9 Shkurt 2022, Këshilli i Ministrave merr vendim për kalimin e të drejtave mbi këtë pronë tek Bashkia Kurbin. Vetëm pas daljes së këtij vendimi, Bashkia Kurbin bën dorëzimin e çelësave të apartamenteve tek banorët përfitues sipas listave të dala nga shorti publik për shpërndarjen e këtyre apartamenteve dhe kryen të gjitha procedurat administrative për hartimin e kontratës së dhurimit, ku çdo qytetar do të marrë certifikatën e pronësisë në emër të tij dhe do të ketë mundësinë ta trashëgojë atë pronë brez pas brezi’, thekson ajo.
Discussion about this post