Gjykata e Tiranës është institucion i cili supozohet të vendos drejtësi në fakt po devijojnë vetë nga ligji. Ky institucion ka hapur një tender për blerje nafte, që kap vlerat 20 milionë lekë. Bëhet fjalë për projektin me numër reference REF-31591-06-02-, të cilin e ka fituar kompania ‘‘EUROPETROL DURRES ALBANIA’’ e njohur ndryshe si “Eida”.
Sipas dokumentit të tenderit “Eida” do të mbush me naftë makinat e gjykatësve tanë për një vit rresht. Ndërsa qytetarëve iu kërkohet të ecin në këmbë për shkak sa jemi në krizë, punonjësve te administratës nuk iu mungon kurrë makina. Madje blejnë naftë te kompania që ka çmimet më të larta në treg. Qeveria vazhdon të na përmend se jemi në luftë, por për institucionet në vend siguron luksin me paratë tona.
Sakaq, në fillim të këtij viti çmimet e karburanteve pësuan shumë luhatje, por “EIDA” qëndronte gjithmonë më lartë se të tjerët dhe shiste naftë me vlera stratosferike. Në një farë mënyre rekordin e çmimit të naftës në Shqipëri e ka vendosur kompania “Eida”, me 239 lekë për litër që në janar. Vetëm disa qindra metra larg prokurorisë dhe Autoritetit të Konkurrencës (oligarkëve), “Eida” e shiste një litër benzinë 239 lekë nga 180 lekë që ishte. Frident Kuqi u vjedh shqiptarëve rreth 60 lekë ose 600 lekë të vjetra për çdo litër naftë, ndërsa oligarkët e tjerë vjedhin 500 lekë për çdo litër naftë.
Përveç faktit se kjo kompani është tashmë e njohur për monopolin që ka krijuar në tregun e karburanteve dhe çmimeve të larta të tregtimit, pronari i saj Frident Kuqi është përfshirë në një sërë skandalesh të tjera ligjore dhe mbi të gjitha për dhunë.
Pronari me precedent penal
Emri i Frident Kuqit, përveç se oligarku i karburanteve, njihet edhe për dhunues. Konkretisht, Kuqi është akuzuar për veprat penale Heqje të paligjshme të lirisë” dhe “keqtrajtim personi”. Pasi në tetor të 2019 ai është përfshirë në një ngjarje kriminale, pasi akuzohet se ka dhunuar dhe më pas ka marrë peng pronarin e pike karburanti në qytetin e Përmetit, Gëzim Ibrahimi, 57 vjeç. Biznesmeni akuzohej se kishte marrë peng Ibrahimin dhe përmes presionit e ka çuar tek noteri, ku duhet të firmoste një dëshmi ku pranonte se i kishte një borxh prej 30 milionë lekësh të vjetra Kuqit. Kjo pasi ky i fundit i kërkonte 57-vjeçarit qiranë e pikës së karburantit në Përmet.
Asaj kohe Kuqi ka mohuar kategorikisht se ka ushtruar dhunë ndaj Ibrahimit. Ai tha se ky i fundit i kishte një borxh prej 30 milionë lekësh, që sipas tij i kishte marrë nga xhiroja ditore e pikës së karburantit. Por, nuk zgjati shumë dhe në vitin që lamë pas Ibrahimi bëri një tjetër denoncim se ishte dhunuar sërish nga Kuqi. Sipas të dhënave punëtorët e pikës së karburantit “Eida” në Përmet, kanë rrahur pronarin e ligjshëm të kësaj prone, Gëzim Ibrahimin. Nuk dimë se si një institucion i drejtësisë, mund të bashkëpunojë me një oligarkë dhe dhunues. Por, këto lloj paradoksesh ndodhin vetëm në Shqipëri.
Discussion about this post