Akoma më të trishta janë zbulimet e fundit në lidhje me fatin tragjik të 20-vjeçarit Myzerin Zeneli, i cili vdiq mbrëmjen e djeshme në Velipojë.
20-vjeçari, i cili ditën e djeshme sapo kishte nisur punë ishte jetim. Në shkrimin e publikuar nga gazetarja Anila Prifti, mësohet po ashtu se i riu kishte në xhep vetëm 30 lekë.
‘Ferracakë e Gocaj, burra e pronarë përballë po luftonin njëri-tjetrin. Myzerini ishte aty, nuk fliste! S’duhej shumë kohë, armët krisën. Myzerini duket se u largua nga kjo botë i treti në radhë. Trupi i tij u shemb në rërë, pas trupave të tjerë të gjakosur.Në xhep iu gjetën vetëm 30 lekë! Ishte dita e parë e punës dhe dita e fundit e jetës!’- shkruan Prifti.
Kujtim Ferracaku 59-vjeç, Xhovani Gocaj 25-vjeç, Edmond Gocaj 38-vjeç dhe Myzerim Zeneli vetëm 20 vjeç mbeten të vdekur. 20-vjeçari kishte filluar vetëm dje punë si kamerier në hotelin Gocaj. Dita e parë e tij e punës rezultoi tragjike dhe u bë dita e fundit e jetës.
