Një personazh i mafias italiane, i cili ishte në arrati për 20 vjet u gjurmua në një qytet spanjoll pasi u pa në aplikacionin e google që tregon pamje në kohë reale të rrugëve të ndryshme “Google Street Vieë”. Sipas The Guardian, Gioacchino Gammino, një vrasës i dënuar, i listuar në mesin e gangsterëve më të kërkuar të Italisë, u arrestua në Galapagar, një qytet afër Madridit, ku me kalimin e viteve ishte martuar, ndryshoi emrin në Manuel, punonte si kuzhinier dhe kishte një dyqan frutash dhe perimesh. Policia siciliane kreu disa hetime në kërkimin e Gammino, 61 vjeç, dhe një urdhër arresti evropian u lëshua në vitin 2014. I arratisuri u gjurmua në Spanjë, por ishte aplikacioni që ndihmoi për të përcaktuar vendndodhjen e tij të saktë.
Mjeti i navigimit kishte kapur një imazh të dy burrave që bisedonin jashtë një dyqani frutash dhe perimesh të quajtur El Huerto de Manu, ose Kopshti i Manus, në Galapagar. Policia besonte se njëri prej burrave i ngjante shumë Gammino-s, por identiteti i tij u konfirmua vetëm kur ata gjetën një listë për një restorant aty pranë të quajtur La Cocina de Manu ose Manu’s Kitchen. Dyqani dhe restoranti tani janë mbyllur, por policia gjeti një foto të Gammino, të veshur me veshjen e shefit, në një faqe ende ekzistuese në Facebook për La Cocina de Manu. Ai dallohej nga vraga në anën e majtë të mjekrës. Menuja e restorantit përfshinte një pjatë të quajtur “Cena Siciliana” ose darkë siciliane.
Gammino u arrestua më 17 dhjetor, por detajet rreth kapjes së tij nuk dolën në dritë derisa u raportuan të mërkurën. Detajet u konfirmuan nga prokurori i Palermos, Francesco Lo Voi, i cili drejtoi hetimet e fundit. Pas 20 vjetësh i fshehur, Gammino mendoi se kishte arritur të shkëputte të gjitha lidhjet e tij me Siçilinë. Pas arrestimit, ai thuhet se i tha policisë: Si më gjetët? Unë nuk kam marrë në telefon as familjen time për 10 vjet!
Gammino i përkiste një klani mafioz në Agrigento, Siçili, i cili u kap në një grindje të përgjakshme me Cosa Nostra, rrjetin kryesor mafioz të Siçilisë, në vitet 1990. Ai u arrestua për herë të parë në vitin 1984, kur u hetua nga gjyqtari antimafia Giovanni Falcone, i cili u vra nga mafia në një atentat me bomb në makinë në vitin 1992. Gammino kërkohej për vrasje dhe krime të tjera të lidhura me mafien. Ai u arrestua për herë të dytë në Barcelonë në vitin 1998. Ai kishte vuajtur një dënim të përjetshëm në burgun Rebibbia në Romë, kur në vitin 2002 arriti të arratisej gjatë rrëmujës së xhirimeve të një filmi në burg.
Discussion about this post