“Të gjithë e mbajmë mend herën e parë që mbajtëm një kartëmonedhë euro në dorë. 20 vjet më vonë, euro është një nga monedhat më të fuqishme në botë”. Kështu është shprehur Presidentja e Komisionit Europian Ursula Von der Leyen ditën e sotme, që shënon 20 vjetorin e futjes në përdorim të Euros.
“Euro pasqyron gjithashtu vlerat tona si monedhë globale për investime të qëndrueshme dhe është një simbol i fortë i unitetit”, shkruan presidentja e komisionit të BE-së Ursula von der Leyen në një postim në Twitter.
Më 1 Janar 2002 dymbëdhjetë vende të BE-së futën në përdorim euron. Përveç Gjermanisë kjo monedhë u bë monedhë zyrtare edhe në Belgjikë, Finlandë, Francë, Greqi, Irlandë, Itali, Luksemburg, Holandë, Austri, Portugali dhe Spanjë.
Discussion about this post