Ndërsa përmend rastin e një gazetari që ka treguar se shpenzoi gati 2 milionë lekë për të kuruar nënën nga Covid-19, mjeku i njohur Erion Dasho ka shpërthyer ne kritika ndaj kryeministrit Rama. Përmes një postimi në Facebook, ai thotë se Ramës duhet t’i vijë turp që la 16 mijë shqiptarë të vdesin dhe me mijëra të tjerë të luftonin vetëm me armikun e padukshëm, në vend t’i ndihmonte se e ka për detyrë.
“Gazetari deklaron se ka paguar 1 milion e gjysmë lekë për të trajtuar nënën e sëmurë me COVID. Borati përgjigjet “Si nuk të vjen turp?” A nuk duhet t’i vijë turp Boratit që i ka lënë shqiptarët në mëshirën e virusit?! Që mbi 2 milion u sëmurën? Që 16 mijë prej tyre vdiqën?! Që familjet shqiptare paguan mbi 200 milion euro nga xhepi për t’u trajtuar?! Që gjithë pagesat e qeverisë për rimbursimin e trajtimeve nuk janë as një pikë në oqeanin e shpenzimeve”, shkruan ai,
Sipas tij, Rama tallet me qytetarët, për aq kohë sa e votojnë akoma dhe drejtësia heziton ta marrë të pandehur për dëmin e jashtëzakonshëm që i shkaktoi shëndetit dhe jetës së shqiptarëve.
Discussion about this post