“21 Janari”, SPAK shpall moskompetencë për kallëzimet e PS

Prokuroria e Posaçme ka shpallur moskompentencë për kallëzimet e 21 janarit që ka bërë Ministria e Drejtësisë dhe Partia Socialiste për 21 janarin. Mësohet se SPAK ia ka kaluar Prokurorisë së Tiranës për hetim.

SPAK ia ka kaluar dy kallëzimet Prokurorisë së Tiranës për hetime të mëtejshme mbi kallëzimet e bëra nga kreu i Grupit Parlamentar të PS-së Taulant Balla dhe Ministrit të Drejtësisë, Ulsi Manja.

Kallëzimet në SPAK nga ana e PS erdhën pasi publikimit në media të disa transkriptimeve të një audi-përgjimi në të cilin tregohej komunikimi mes gardistëve ditën e 21 janarit, ku 4 persona mbetën të vrarë në shesh nga armët e shtetit.

PS kërkoi që SPAK të zbardhë 21 janarin, duke kallëzuar penalisht për vrasje në rrethana cilësuese ish-kryeministrin Sali Berishën, ish-ministrin e Brendshëm Lulzim Bashën dhe ish-kreun e Gardës Ndrea Prendin.