Bilanci i viktimave nga tërmeti që goditi Turqinë dhe Sirinë sa vjen dhe keqësohet.
Përditësimi i fundit flet për më shumë se 16 mijë persona të vdekur, të gjendur nën rrënoja.
Presidenti i Turqisë Rexhep Tajip Erdogan, ka mbrojtur reagimin e qeverisë së tij ndaj dy tërmeteve katastrofike, duke thënë se ishte e pamundur të përgatitej për shkallën e katastrofës.
Erdogan pranoi se qeveria kishte hasur disa probleme, por tha se situata tani ishte nën kontroll.
Situata mbetet shumë e rëndë edhe në Siri, ku 1250 të vdekur janë regjistruar në zonën e kontrolluar nga qeveria e Asadit dhe rreth 1400 në veriperëndim të vendit, të kontrolluara nga forcat opozitare.
Ndihma humanitare është në vështirësi për të mbërritur për shkak të pengesave përgjatë pikave kufitare që lidhin vendin me Turqinë.
BE-ja ka konfirmuar se do të dërgojë 3.5 milion euro ndihmë në Siri pas një kërkese të qeverisë për ndihmë.
Discussion about this post