Savjo Dhimojani është 21-vjeçari që humbi jetën ditën e djeshme në Vlorë. Mësohet se, Dhimojani dhe Ari Canaj, miku i tij i plagosur në gjendje të rëndë, po kryenin gara shpejtësie me një makinë tjetër.
Sipas dëshmitarëve, Dhimojani dhe Cajan po garonin me makinën e tyre “Ford” me një automjet tjetër “BMW”. Në momentin e marrjes së kthesës, “Fordi” ka rrëshqitur duke dalë nga rruga. Për pasojë, makina u përplas me një shtyllë betoni dhe u nevojit ndërhyrja e zjarrfikësve për të nxjerrë dy të rinjtë nga automjetit. Automjeti “BMW” është larguar nga vendngjarja menjëherë.
Të dy të rinjtë u dërguan në spitalin e Vlorës në gjendje të rëndë, por plagët e Dhimojanit ishin fatale duke i marrë jetën. Më pas, Canaj u dërgua për mjekim të specializuar në Spitalin e Traumës në Tiranë, ndërsa nuk ka informacione për gjendjen e tij.
Discussion about this post