Vëllai i ndërroi jetë nga ataku në zemër, motra denoncon mjekun

Një mjek i Urgjencës së Spitalit të Pogradecit është proceduar penalisht pas kallëzimit të një 37-vjeçareje, e cila pretendon që nuk i ka kryer ekzaminimet e duhura vëllait të saj kur është paraqitur me probleme shëndetësore.

Mësohet se bëhet fjalë për mjekun Genci Zyferi, 44 vjeç, banues në Pogradec.

D.M., banuese në Fier ka thënë se vëllai i saj, D. M., 34 vjeç, banues në Pogradec, ka ndërruar jetë dy ditë më pas në banesën e tij, për shkak të një infarkti në zemër.

Mjeku është proceduar penalisht për veprën penale “Neglizhenca në trajtimin mjekësor”.