Para 23 vjetësh në Rezallë të Skenderajt, forcat ushtarake dhe policore serbe ekzekutuan 98 shqiptarë të cilët jetonin në Rezallë dhe fshatrat përreth, nga të cilët 44 kishin tentuar t’i zhdukin.
Një pjesë e kufomave u gjendën në Rudnicë të Rashkës dhe iu dorëzuan familjarëve. Në 5 prill të vitit 1999, serbët rrethuan shtëpitë e viktimave dhe pushkatuan pothuajse të gjithë burrat dhe djemtë e rinj.
Nga masakra e Rezallës, kanë shpëtuar vetëm 3 persona. Kjo masakër konsiderohet si një ndër masakrat më të pamëshirshme gjatë luftës në Kosovë. Njohja e genocidit serb ndaj popullsisë në Kosovë ngelet një ndër çështjet themelore në tratativat midis qeverisë kosovare dhe asaj serbe për të negociuar njohjen e Kosovës.
Për rastin e 23-vjetorit të kësaj masakre, kryeministri Albin Kurti do të bëjë sot homazhe në Rezallë.
Discussion about this post