Komisioni Qendror i Zgjedhjeve ka kallëzuar penalisht 72 numërues pasi akuzohen për parregullsi dhe vjedhje votash në zgjedhjet e 25 prillit. Sipas njoftimit të KQZ, mësohet se numëruesit janë nga qarqe të ndryshme të vendit ku kryeson Tirana me 7 qendra votimi.
Gjatë mbledhjes u raportuan inicialet e numëruesve ku vihet re që janë si nga radhët e Partisë Demokratike por edhe nga Partia Socialiste.
Kujtojmë se tryezat e numërimit kanë pasur grupe të përbërë nga 4 persona konkretisht dy nga PS dhe dy nga PD.
Pavarësisht nëse vjedhja është bërë brenda listës së PD apo PS, kallëzohet i gjithë grupi, pasi si rregull, numëruesi i PS apo i PD nuk duhet të linte kundërshtarët që të kryejnë vjedhje.
Discussion about this post