Detaje të reja kanë dalë nga vdekja e Martin Çeços, 26-vjeçarit që u gjet dy ditë i mbytur në rezervuar. Disa ditë më parë ai ishte denoncuar si u zhdukur nga familja dhe pas kërkimeve policia gjeti trupin e tij të vdekur. Sakaq, bëhet me dije se ditën e sotme janë shoqëruar për në komisariat 3 persona të dyshuar si autor të ngjarjes. Policia shprehet se është zbardhur ngjarja e ndodhur dy ditë më parë, në rezervuarin e fshatit Kolanec, Maliq, ku u gjet i pajetë shtetasi Martini. SI rezultat Vihen në pranga 3 autorët e dyshuar të vrasjes së 26-vjeçarit.
Në pranga kanë rënë; B. A., 38 vjeç, banues në fshatin Peshkëpi, Pogradec (i dënuar më parë për vjedhje); V. M., 43 vjeç, banues në fshatin Marjan, Korçë; E. M., 35 vjeç, banues në fshatin Marjan, Korçë. Shërbimet e Policisë, pasi kanë nxjerrë nga rezervuari trupin e pajetë të 26-vjeçarit kanë krijuar dyshime se bëhej fjalë për një ngjarje kriminale, duke qenë se gjatë këqyrjes, në trupin e Martinit , janë konstatuar shenja në pjesën e fytit.
Falë punës profesionale hetimore, provave dhe informacioneve të grumbulluara nga grupi hetimor, u dokumentua se tre shtetasit e arrestuar, në bashkëpunim me njëri-tjetrin, më datë 12.06.2022, kanë marrë viktimën M. Ç., në fshatin Kolanec, dhe pasi e kanë vrarë (mbytur), për motive të dobëta, kanë hedhur trupin e tij në rezervuar, për të mbuluar ngjarjen dhe për të inskenuar një vetëvrasje të 26-vjeçarit.
Discussion about this post