Një ngjarje e rëndë është regjistruar në Itali ditën e djeshme ku një 37-vjeçare shqiptare, e identifikuar si Brunilda Halla u godit me thikë në Vittoria, në zonën ndërmjet rrugës Adua dhe rrugës Tenente Alessandrello ndërsa priste djalin para shkollës.
Mediat italiane kanë publikuar pamjet e ngjarjes së rëndë.
Në pamje ai duket teksa afrohet, e godet atë me thikë dhe ia mbath nga vendi i ngjarjes.
Motivi i krimit është ende i paqartë për shkak se viktima dhe autori nuk njiheshin me njëri tjetrin.
Prokurori i Raguzës Fabio D’Anna deklaroi se 28-vjeçari ka rrëfyer faktet si ndodhi ngjarja.
Ndërkohë avokati u shpreh se autori kishte rënë disa herë pre e bullizmit ndërkohë që ne vitin 2016 kishte marrë mjekime për shkak të probleme me shëndetin mendor.
“Gjatë marrjes në pyetje ai deklaroi se vrasja ishte një gjest rebelimi ndaj shoqërisë që e kishte ofenduar”, tha avokati.
Discussion about this post