Gjykata ka qenë në burg drejtuesin e kamionit në Mal të zi që disa ditë më parë u kap me një sasi prej 280 kg drogë e llojit marijuanë në terminalin doganor në Podgoricë. Sasia e madhe e drogës kishte hyrë nga Shqipëria nëpërmjet pikës së kalimit kufitar të Muriqanit.
Lënda narkotike ishte fshehur brenda një kamioni cisternë, i drejtuar nga një shtetas boshnjak me iniciale M. M. Mediat malazeze bëjnë me dije se droga kishte si destinacion pikërisht Bosnje-Hercegovinën.
Mediat vendase bëjnë me dije gjithashtu se droga ishte fshehur në pjesën e përparme të kamionit cisternë, ndërsa lënda narkotike ishte e ndarë në 54 pako të mbështjella me letra alumini dhe më pas me letër natriban.
Drejtuesi i mjetit të tonazhit të rëndë u arrestua nga Policia malazeze me urdhër të prokurorit shtetëror të Prokurorisë së Lartë të Shtetit në Podgoricë, nën dy shimin se kishte kryer veprën penale të prodhimit, mbajtjes dhe shpërndarjes së paautorizuar të narkotikëve. Ende nuk dihet se ku është blera sasia e lëndës narkotike dhe nëse bëhet fjalë për trafik të organizuar të kësaj droge në drejtim të Malit të Zi dhe më pas në Evropë nga ana e grupeve kriminale që veprojnë në vendin tonë.
Mali i Zi është një nga kanalet e trafikut të drogës që përdoret nga grupet kriminale për të trafikut jo vetëm kanabisin por edhe heroinë dhe kokainën drejt shteteve të tjerave, ndërsa portet e këtij vendi shërbejnë shpesh si pika për trafikun e kokainës nga Amerika Latine.
