Të ftuar në emisionin “Pardon My French” së fundmi kanë qenë “2Farm”. Një prej bandave muzikore më të dëgjuara e me shumë emër para 20 vitesh ka bërë një rikthim shumë të bukur. Brezat e rinj nuk kanë shumë informacion për grupin më të dashur “2Farm”, nga ku filloi karriera e artistit Kastro Zizo, Renan Berati (Mr Shvejk) dhe
Red Mazi.
Kryesisht “2Farm” këndonte muzikë pop dhe hip-hop, e ka qenë një prej bandave muzikore më të preferuara në fund të viteve ’90 dhe fillim të ’00, si dhe kanë qenë grupi hit i TAR Records. Ata ishin ndër grupet e parë që bënë revolucion në muzikë dhe filluan të eksploronin një lloj rryme muzikore që u pëlqye menjëherë dhe pse ishte si një test apo jo?
“Në një farë mënyre ashtu ishte në fakt, por përfaqësonte në shpirtin e disa personave sepse ishte Gent Lako që në atë kohë ishte me vrull shumë të madh. Ai filloi ta krijonte revulucionin muzikor që shumë pak njerëz ndoshta tani, nuk e dinë dhe nuk e vlerësojnë. Qe e ndërsjelltë kimia e Genti Lakos dhe “2Farm’-it. U takuam për 5 minuta dhe ndejtën 2 orë e gjysmë duke folur për muzikë.”
Grupi i njohur tani po sjell 2 projekte të reja që ishin edhe ekskluzive për Top Albania Radio-n, Kastro Zizo shtoi se:
“Të premten në orën 17:oo për të gjithë publikun del albumi “101” ku 35% e albumit janë “2Farm”-ët me 2 materiale të reja që nuk kanë të bëjnë aspak me njëra-tjetrën në zhaner, tipologji dhe tekst.”
A do të sjellin bashkëpunime me artiste?
“Mendoj që shumë shpejt do të ketë edhe bashkëpunime me vajza, ndoshta do të ishte mirë edhe për staturën, pjekurinë artistike.”/SHQIP
Discussion about this post