Skuadra e Dinamos nuk ka shkuar më shumë se barazimi me rezultatin 1-1 ndaj Egnatias në sfidën e zhvilluar në “Elbasan Arena”. Një lojë mjaft e bukur e zhvilluar nën reshjet e dendura të shiut ku arbitri akordoi plot 3 penallti si dhe anuloi një gol.
Telushi zhbllokoi shifrat për Egnatian nga pika e bardhë teksa Ibraimi riktheu ekuilibrat nga penalltia. Edhe në fraksionin e dytë Egnatia fitoi një tjetër penallti por që sulmuesi Augusto gaboi përballë portierit Bakaj i cili tregon sërish aftësitë e tij tek penalltitë sikurse ndodhi me Tiranën në Kupë.
Në fraksionin e dytë Dinamo fiton penallti por sistemi VAR e anulon teksa Egnatia shënon sërish por teknologjia e konsideron të parregullt. Në fund skuadrat ndajnë piket teksa Dinamo nuk fitoren për të tretën ndeshje radhazi në kampionat. Në kampin e Egnatias, rrogozhinasit vijojnë me performancën pozitive këtë sezon duke grumbulluar 11 pikë në 9 javë kampionat.
Discussion about this post