I pyetur nga kryetarja e Komisionit Hetimor, kryeministri Edi Rama thotë se është në dijeni të faktit se pronarët e inceneratorëve janë në kërkim. Por, ai nuk ka ngurruar që t’i justifikojë ata.
Sipas tij, nuk janë në kërkim për 430 mln eurot. Kreu i qeverisë u shpreh para Komisionit Hetimor se me ish-ministrin Lefter Koka, i cili tashmë është në burg ka punuar shumë mirë.
“Kjo punë e kërkimit është pak si problem. Duhet sqaruar për çfarë janë në kërkim, kanë marrë këto 430 mln eurot dhe i kanë çuar diku dhe presin që të shkojmë dhe ne dhe ti ndajmë? Apo janë në kërkim se dyshohet se kanë hyrë në një marrëdhënie korruptive me një ish ministër? Kështu që jam në dijeni që ka dy persona në kërkim dhe jam i lumtur që reforma në drejtësi po funksionin. Unë me Lefter Kokën kam punuar shumë mirë”, tha Rama. Rama ka që në orën 12 të kësaj të mërkure në komision për të dëshmuar, por seanca është shoqëruar me debate të ashpra mes tij dhe Jorida Tabakut.
Discussion about this post