Problemi me pronat vazhdon të mbetet një kalavar i gjatë për qytetarët shqiptarë që nuk po gjen kurrë zgjidhje. Ditën e sotme rreth 30 familje në Krujë janë përballur me një situatë të pazakontë ku ata edhe pse kanë blerë shtëpitë e tyre, nuk mund ti marrin ato. Banorët shprehen se nuk i marrin dot banesat për shkak se ndërtuesi i parë i pallatit ka shpallur falimentin duke ia dorëzuar pallatin një ndërtuesi tjetër.
Qytetarët shprehen se ata kanë paguar lekët teksa ka nisur ndërtimi i pallatit ndërsa pas shumë vitesh nuk po marrin dot shtëpitë e tyre. Ndërtuesi i ri i pallatit nuk ua njeh shtëpitë të cilat ata i kanë me dokumente të rregullta. Ata kërkojnë të marrin hyrjen e tyre ose tu kthehen lekët, ndërsa tregojnë se të gjithë kanë firmosur te i njëjti noter.
“Jam emigrant në Itali, kam marrë shtëpinë para 10 viteve, i kam letrat me të gjitha rregullat. Më vonë kam ikur në Itali dhe kur jam kthyer, nuk e dimë si iku ia mori një tjetër. Më tha që do të merremi vesh, nuk na dha asnjë përgjigje. Mua më ka borxh, 82 mijë euro për një apartament. Në hyrjen time nuk ka për të hyrë kush. Nuk e di ca po bëjmë. I kemi paret me djersë. Në fillim i njihte dokumentet, mbrapa kanë bërë gjëra të tjera, na kanë bërë letrat që objektin e ka marrë një tjetër. Janë 30 familje që preken nga ky shqetësim”, u shpreh një banorë. Ndërsa shprehen se do të kërkojnë të drejtën e tyre derisa të marrin një zgjidhje, pasi ky është një abuzim i ndihmuar dhe nga organet e drejtësisë. Më tutje ata shtuan se pallati është i legalizuar, madje vetë Kreu i Kadastrës ka dhënë fizikisht lejen e legalizimit, ndërsa tani fshihet dhe nuk bën asnjë reagim.
Discussion about this post