Për gati 30 vjet banoret e lagjes Dragoç në Postribe prej 30 vitesh vuajnë mungesën e ujit te pijshëm dhe pavarësisht kërkesës së vazhdueshme në bashki nuk kanë marrë asnjë përgjigje. Ata tregojnë se kanë dërguar disa herë ankesë , Mark Mollës, drejtorit të ujësjellësit në Shkodër dhe ky i fundit thotë se nuk kanë fonde.
Një nga banorët tregoi se Molla iu tha që blejnë vetë tubin që nevojitet dhe pastaj do fillojnë punimet, por kjo nuk ka ndodhur. Ata tregojnë se e blenë tubin para 5 vitesh por përsëri asnjë punë nga ujësjellësi.
“Para disa vitesh janë bërë instalimet e ujësjellësit, por ka mbetur pa investim vetëm kjo lagje këtu. Kemi bërë kërkesë tek Mark Molla, bëmë kërkesë gjithkund por nuk u morëm vesh. Ai na thotë se nuk ka fonde për të blerë tub. Ne duam të na e sjellë të paktën deri këtu më në qendër pastaj si të mundemi do marrim ujë. Ai na tha ta blejmë ne tubën e ujit.
Jemi detyruar të mbledhim nga 10 mijë lekë çdo familjeje, kemi siguruar 300 mijë lekë të vjetra dhe kemi blerë tubë uji. Erdhi fadroma nja tre ditë këtu, menduam se po fillona punën, por jo iku. Ka 6 vjet që atëherë e tani nuk janë dukur fare.
Ne po marrim ujë nga një komshi i cili ka mundur të hap vetë një punë edhe po na shpërndan ndonjë bidon ujë. Ata maksimumi kanë dy ditë punë për të na shpëtuar ne jetën”, u shpreh banori.
Banorët e këtij fshati tregojnë se gati për 30 vite nuk është bërë asnjë investim nga bashkia. Sipas tyre po kaq vite ka në gjendje të amortizuar rruga kryesor e fshatit, e cila gjatë dimrit bëhet e pakalueshme, sidomos kur duhet të çojnë fëmijët në shkollë. “Ata nuk kanë ardhur as të rregullojnë këto pak metra rrugë që kanë mbetur. Këtu në dimër rruga bëhet fare e pakalueshme, vetëm me blerë gomar sikur kemi pas dikur”, tha një qytetar.
E.H/ gijotina.com/
