4 javë pa fitore, Lushnja nuk pret më, Klodian Duro përshendetet me skuadrën

Klodian Duro nuk do të jetë më trajner i Lushnjës, pasi rezultatet e fundit në Kategorinë e Parë kanë “mbushur kupën” e drejtuesve.

Në 4 ndeshjet e fundit lushnjarët kanë humbur 2 dhe kanë barazuar 2 të tjera. Tekniku, nuk arriti të përmbushë pritshmëritë e drejtuesve për një skuadër kompetitive e cila pas shumë vitesh në inferiore pretendon rikthimin në Superiore.

Mirëpo, kur janë luajtur gjashtë ndeshjet e para, Lushnja renditet në vendin e 12-të me vetëm pesë pikë në klasifikim me drejtuesit që në këtë formë penalizojnë trajnerin Duro. Punën deri në emërimin e trajnerit të ri do ta vazhdojë dyshja Hasalli-Gazheli.

Ky i fundit ishte emëruar në krye të Lushnjes në fillimin e sezonit, mirëpo tashmë do të duhet të mendojë për një tjetër aventurë. Kujtojmë se në të kaluarën Duro ka trajnuar edhe klube si Kukësi, Kamza, Luftëtari apo Ferronikeli në Kosovë