Mësohet se ministri i Drejtësisë Ulsi Manja ka urdhëruar vendosjen në regjimin e posaçëm për një afat 1 vjeçar katër personazhe të botës së krimit të cilët janë: Viktor Ymeri alias Viktor Bajraktari, Klement Çala dhe Eldi Çala. Tre personazhe të botës së krimit janë mbyllur në regjimin e posaçëm “41 bis”. Vendimi i Ministrit të Drejtësisë vjen pas një bashkëpunimi dhe bashkëveprimi të ngushtë me agjencitë e zbatimit të ligjit SPAK, DBP, Policia e Shtetit, SHISH, SHKB.
Kujtojmë se Viktor Ymeri njihet si një nga njerëzit më problematikë në Vlorë dhe që ka lidhje miqësie e farefisnie me Edison Harizajn, i ekzekutuar në Durrës. Viktor Ymeri konsiderohej nga Policia dhe Prokuroria si një nga njerëzit më të afërt të Gazmend Brakës, i njohur ndryshe si Gaxhai, i dënuar me burgim përjetë. Ymeri dhe Gaxhai kanë ekzekutuar së bashku në qershor të vitit 1999 me dhjetëra plumba kallashnikovi Arben Pajën dhe Ilir Xhungën, të cilët ishin pjesë e një fraksioni tjetër kriminal në Durrës.
Discussion about this post