Ministria e Kulturës dhe prokuroria kanë nisur verifikimin e të 4 mijë veprave të artit dhe të trashëgimisë kulturore. Burimet bëjnë me dije se këto vepra të një rëndësisë të veçantë gjenden në një apartament në rrugën “Ali Demi” në Tiranë. Në lidhje me këtë çështje ka folur Akademiku Apollon Baçe, i cili është shprehur se objektet e vjedhura janë autentike dhe të dorës parë. Ndër të tjera ai tha se nëse veprat e gjetura janë monument kulture duhet të lajmërohet qendra e cila bën inventarizimin e tyre.
“Ata që kanë vjedhur veprat kanë një lloj kualiteti, nuk ka asgjë që të jetë e dobët. Janë në përgjithësi të dorës së parë dhe të dytë. Në rast se objektet janë në listë diku, pra janë të quajtura si monument kulture atëherë duhet padyshim që të lajmërohet qendra e cila bën inventarizimin e tyre. Kemi të bëjmë me një gjë që është e vjedhur nuk dihet se sa ndalohet tek ne të shitet dhe të blihet gjëja e vjetër”, tha ai.
Ndër të tjera akademiku tha se duhet të caktohen kujdestar nëpër kisha në mënyrë që të ruhen objektet e kultit.
Discussion about this post