4 mln lekë të vjetra rrogë, kush është zv.ministri i Brendshëm që paguhet më shumë se Rama

Pas skandalit të publikimit të pagave për 637 mijë punonjës në sektorin publik dhe atë privat, të gjithë qytetarët i ka përfshirë kurioziteti për të parë sa paguhen persona të ndryshëm.

Kështu, në një kërkim të thjeshtë në databazë, shikon që funksionarë të ndryshëm të qeverisë, paguhen madje më shumë se kryeministri Rama apo kabineti i ministrave. Një rast unik, është zëvendësministri i Brendshëm, Besfort Lamallari, i cili gjithashtu rezulton të jetë pjesë e listës që qarkullon në “What’sApp”. 

Mësohet se, Besfort Lamallari paguhet 413.300.00 lekë të reja, pagë kjo dyfish më e madhe se ajo e kryeministrit Edi Rama, i cili merr 228.730.00 lekë të reja. Ndërkohë që kolegët e tij, po ashtu në Ministrinë e Brendshme, paguhen më pak se Lamallari.

Andi Mahila, Julian Hodaj dhe Romina Kuko, të gjithë së bashku marrin të njëjtën pagë, 153.300.00 lekë të reja. Por nuk dihet se përse, zv.ministri Lamallari paguhet më shumë se kolegët e tij, e madje më shumë se Rama.