Zhdukja dhe më pas vdekja e 42-vjeçarit Julian Prifti në Fier ka detajet e një ngjarjeje misterioze.
Trupi i pajetë i Julian Priftit u konstatua në lagjen 16 Prilli, ndërkohë që policia dyshon se ai mund të jetë vetëvrarë, duke u mbytur.
Përmes një reagimi, familjarët e të ndjerit kanë hedhur poshtë këtë pretendim, duke shtuar se ai mund të jetë vrarë. Prifti rezultonte i zhdukur prej gati 1 muaj. Sipas nipit të viktimës, Juliani nuk kishte probleme financiare dhe borxhe, pasi kishte një punë që nxirrte të ardhura.
“Juli ishte një punëtor në një sipërmarrje private me rrogë mbi mesataren e vendit dhe nuk kishte probleme të natyrës ekonomike, vetëm këtë muaj ai do të merrte 10 milionë Lekë si pasojë e një trashëgimie nga babai që humbi jetën vitin e kaluar nga COVID, në si familje përjashtojmë plotësisht mundësinë që Juli të kishte probleme ekonomike që mund t’a çonin drejt vetëvrasjes, në bisedat tona me atë përpara se të ndalnin shenjat e jetës jo vetëm nuk kemi parë shenjat edhe më vogla të depresionit por e kujtojmë si një person që kishte plane për të ardhmen”, tregon i afërmi.
Mes të tjerash familja e 42-vjeçarit ngre gishtin e akuzës drejt familjarëve të bashkëshortes së Julianit se mund të kenë lidhje me ngjarjen.
“Ne si familje e Julit kemi arsye te dyshojmë për probleme me bashkëshorten, zënka mbi motive të faktuara që i kemi shprehur në polici dhe largim të familjarëve të saj (vëllait) nga Shqipëria menjëherë pasi deklaruam në polici humbjen e shenjave të jetës. Dyshimet tona mbi një ngjarje të mundshme kriminale i kemi shprehur te Policia e Shtetit dhe jemi duke pritur që shqetësimet tona të deklaruara prej kohësh të merren në konsideratë”, shprehet Juxhin.
Discussion about this post