Ministria e Zhvillimit Rural dhe Bujqësisë, ka reaguar ditën e sotme pas denoncimit, për ngordhjen e 4200 rosave në një fermë në fshatin Mizë të Divjakës.
Në reagimin e saj Ministria thekson se në rastin e ngordhjes së 4200 rosave nuk kemi të bëjmë më grip shpendësh, por me salmonelë. Sipas ministrisë salmonelozat janë një familje bakteresh me mbi 3000 serotipe që gjenden shpesh në shpendë, edhe pa shkaktuar sëmundje apo ngordhje, në varësi të shtamit apo serotipit.
Gjithashtu ministria qetëson qytetarët duke theksuar se edhe në rast të prekjes së shpendëve nga kjo sëmundje produkti ushqimor, edhe ne rastin kur është i kontaminuar, nëse i nënshtrohet trajtimit të zakonshëm termik (zierjes ose pjekjes mbi 60 gradë celcius për të paktën 15 minuta), nuk paraqet rrezik tek konsumatori.
Discussion about this post