Një seri treguesish, që kanë të bëjnë me përdorimin e fondeve buxhetore nga bashkitë, janë analizuar nga Drejtoria e Përgjithshme e Auditit e Qeverisë pranë Ministrisë Financiare.
Rezultatet treguan se, për vitin 2020 Bashkia e Shkodrës rezultoi me korrektja në përdorimin e fondeve buxhetore, ndërsa bashkia e Vlorës ishte më problematikja në këtë aspekt.
Raporti përmbledhës i auditit të qeverisë në bashkitë më qendër qarku që kanë edhe buxhetin më të madh, vlerësoi me piket më të larta Shkodrën (47 pikë) nga 72 të mundshme.
Pas Shkodrës Bashkia e Korçës u rendit e dytë më 47 pikë dhe po me kaq pikë edhe Bashkia e Tiranës.
Në krahun tjetër të renditjes me problematikën më të madhe të përdorimit të fondeve u rendit bashkia e Vlorës me vetëm 39 pikë nga 72 gjithsej. Më pas Bashkia e Elbasanit me 38 pikë dhe ajo e Dibrës me 39 pikë.
Në Bashkitë e tjera pikat e më të larta i mori Bashkia e Kamzës rreth 50 të tilla, ajo e Patosit me 46 pikë dhe Dropullit me 45 pikë. Në krahun tjetër pikët më të ulëta i mori bashkia e Rrogozhinë me 19 pikë nga 72 gjithsej, bashkia e Kavajë 22 pikë.
Drejtoria e Përgjithshme e Harmonizimit të Kontrollit të Brendshëm Financiar Publik (DPH/KBFP) në bashkëpunim me Drejtorinë e Përgjithshme të Buxhetit dhe Drejtorinë e Përgjithshme të Thesarit në Ministrinë e Financave analizuan 18 (tetëmbëdhjetë) treguesve të performancës së përdorimin të fondeve publike, bazuar në Metodologjinë për Monitorimin e Performancës së Sistemeve të Kontrollit të Brendshëm në Njësitë Publike, e cila është miratuar nëpërmjet Urdhrit nr. 117, datë 01.04.2019.
Treguesit kryesor që u monitoruan ishin realizimi i shpenzimeve buxhetore (në %), dërgimi i faturave në kohë në thesar, dërgimi në kohë në thesar i faturave që pasqyrojnë detyrimet e prapambetura.
Gjithashtu u monitorua nëse të gjitha faturat janë dërguar në kohë në thesar, nëse të gjitha kontratat janë dërguar në kohë pranë degës përkatëse të thesarit.
U kontrollua numri i urdhër prokurimeve të paautorizuara dhe zbatimi i rekomandimeve të mëparshme.
U verifikua gjithashtu nëse investimet kapitale shumëvjeçare janë hedhur në sistem sipas planit kontraktual të disbursimit dhe avancimi i planit mujor të arkës.
Bashkitë u kontrolluan gjithashtu edhe për realizimin e shpenzimeve buxhetore sipas klasifikimit ekonomik (në %) dhe reduktimin e nivelit të detyrimeve të prapambetura./MONITOR
