Dy persona kanë rënë në prangat e Policisë në Durrës, pas kapjes së sasisë së 45.5 kg heroinë. Të arrestuar janë Arian Çerma, pronari i kamionit të ngarkuar me krom, ku ishte fshehur sasia e drogës dhe shoferi i mjetit, Olgert Duda.
45 kilogramë heroinë janë sekuestruar mbrëmjen e djeshme në Portin e Durrësit. Operacioni policor i koduar ‘Portëz’ ndaloi një kamion i cili kishte destinacion Italinë. Task Forca permanente që vepron në Portin e Durrësit, gjatë kontrollit në dalje në vijën e dytë, në kamionin tip “Scania” në pronësi të Arian Çermës, 45 vjeç, që drejtohej nga shoferi Olgert Duda, 36 vjeç, u vu re se mjeti kishte brenda sasi të lëndës narkotike. Në kabinën e kamionit të ngarkuar me krom u gjetën të fshehura 43 pako të mbështjella me natriban brenda të cilave kishte lëndë narkotike të dyshuar heroinë, me peshë totale 45 kilogramë e 500 gramë.
Task Forca permanente që operon në Portin e Durrësit vijon veprimet hetimore, nën drejtimin e Prokurorisë së Rrethit Gjyqësor Durrës, për zbardhjen e plotë të këtij rasti, identifikimin dhe arrestimin e personave të tjerë të përfshirë në këtë veprimtari kriminale.
Ndonëse droga u sekuestrua një natë më parë policia dha detaje të operacionit mëngjesin e sotëm. Ndryshe nga herët e tjera ku janë sekuestruar sasi të mëdha kokaine në konteinerët me banane, këtë radhë duket se është ndryshuar skema dhe janë përdorur kamionët që transportojnë krom për trafikun e kokainës nga Porti i Durrësit.
Megjithatë, mbishkrimet mbi pakot e lëndës narkotike të sekuestruara në portin e Durrësit, kanë ngritur dyshimet se ngarkesa prej 45.5 kg heroinë kishte 3 destinacione. 15 pako nga 43 pakot e sekuestruara kishin mbishkrimin banane, 7 pako ishin me kryq të bardhë dhe 21 pako me shirit të zi. Pronari i mjetit dhe shoferi në deklarimet e para për policinë kanë mohuar të kenë dijeni mbi drogën që u gjet e fshehur në kabinën e kamionit.
Porti i Durrësit “strofkë” e kokainës, kapet një sasi e konsiderueshme drogë në kamion
Zbulohet një sasi drogë në hyrje të Portit të Durrësit. Burime për gijotina.com bëjnë me dije se një sasi e kosniderueshme kokaine është gjetur e fshehur në një kamion.
Nuk dihet ende sasia e drogës, ndërsa mësohet se destinacion ishte Italia.
Policia njofton se ka ndaluar drejtuesin e kamioni, i cili paraprakisht ka deklaruar se nuk kishte dijeni për drogën. Për sa i përket sasisë së kapur, ende nuk bëhet e ditur pesha.
Pritet që policia të vijë me një njoftim zyrtar për të zbardhur detajet e këtij operacioni.
Theksojmë se në portin e Durrësit janë sekuestruar dhjetëra herë ngarkesa me kokainë, vetëm këtë vit numërohen shtatë të tilla.
