Banorët e Kuçovës janë tmerruar nga ngjarja që ndodhi ditën e sotme, ku një 46-vjeçar ka ngacmuar seksualisht një të mitur. Policia ka vënë në pranga menjëherë autorin Tomorr Hima, ndërsa fqinjët aty pranë tregojnë se janë të frikësuar dhe nuk kanë siguri për fëmijët e tyre.
Pas arrestimit të tij, banorët kanë mësuar se 46-vjeçari kishte kryer veprime të turpshme me një të mitur, që ishte vajza e komshiut të tij dhe që luante me fëmijët e Tomorrit. Ata shprehen të tronditur për ngjarjen e ndodhur dhe deklarojnë se Tomorr Hima ishte një njeri i varfër dhe se atyre nuk u kishte lënë përshtypjen e një pedofili.
Sipas tyre, vajza që ka prekur luante në oborrin e Tomorrit, ku luanin edhe shumë fëmijë të tjerë. Pas ngjarjes, banorët shprehen se kanë frikë ti lënë më fëmijët të luajnë jashtë apo në shtëpitë e komshinjve. Ata e dënojnë veprën e rëndë dhe deklarojë se nëse Tomorri e ka kryer këtë veprim të marri dënimin e merituar.
“Ai atë gjest që bëri se pranon shoqëria, unë sot e mora vesh, pyeta të ëmën, tentoi të kapte çupen, e besojmë. Si njëri nuk ta jep përshtypjen. E dinim për njëri të mirë. Jo s’do e lija fëmijën tim. Në burg të përjetshëm”. “Nuk kemi ndjerë ndonjë diçka, jemi në pallat s’kemi dëgjuar gjë. Është sjellë mirë, s’kemi pasur as dicka”. “Kemi shumë frikë për fëmijët, nuk e lëmë të dalim më, që kur erdhi nga shkolla e deri tani. Më përpara loznin bashkë, unë nuk i njoh, ai i njeh”.
Burimet zyrtare të policisë Berat bëjnë me dije se, ka qenë vetë babai i vajzës 10-vjeçe ai që e ka parë Tomorrin duke prekur vajzën në oborrin e tij dhe ka njoftuar menjëherë policinë. Më pas, vajza ka deklaruar në polici se 46-vjeçari e kishte prekur shumë herë në pjesët intime si dhe e kishte detyruar ta prekte edhe burrin në pjesët e tij intime. 10-vjeçarja ka pohuar në DVP Berat se kishte pasur frikë tu tregonte prindërve, pasi ai e kishte trembur dhe rrihte edhe fëmijët e tij në sy të saj.
Discussion about this post