Banorët e “5 Majit” kanë depozituar ditën e sotme në SPAK një kallëzim penal për Bashkinë e Tiranës. Përmes kësaj padie ata akuzojnë bashkinë se iu ka prishur banesat pa të drejtë dhe kërkojnë të mbrojnë banesat e tjera që pritet të shemben në ditët në vijim.
Përmes një përfaqësuesi ligjorë, banorët thonë se kërkojnë që të merret masa e sekuestros preventive për projektin me pretendimin se nuk ka lidhje me rindërtimin e banesave nga tërmeti.
“Argumentuam para SPAK se aty nuk ka ndërtim për efekt të tërmetit, pasi asnjë nga banesat enë 5 maj nuk janë prekur nga tërmeti. Nuk është një projekt për interes publik. Sipas provave që disponojnë do të ndërtohen disa kulla. Ligji e përcakton qartë se duhet të ketë një vendim prishje që ne e kemi përcaktuar si shkelje flagrante. Ne kemi kërkuar marrjen e masës së sekuestros preventive të projektit. Ky projekt nuk ka lidhje me projektin e rindërtimit të tërmetit. Ne i kemi kërkuar SPAK vënien e sekuestros preventive dhe pezullimin e aksionit të prishjes deri në zbardhjen”, tha përfaqësuesja e tyre ligjore, Adriana Kalaja.
Kujtojmë se ditën e djeshme banorët protestuan para Kuvendit të Shqipërisë, ku patën dhe një takim me kryeministrin, Edi Rama. Por pas atij takimi ata dolën të zhgënjyer dhe nuk arritën asnjë zgjidhje.
Discussion about this post