5 mësimet që morëm nga zgjedhjet e 6 Marsit

Nga Ergys Mërtiri

Pa hyrë në analiza se nuk ia vlejnë në këtë mjedis. E vetmja vlerë që kanë pasur këto zgjedhje, janë për të na treguar efektin që ka pasur në popull sherri brenda opozitës.
Se pari, argumentet dhe veprimet e Bashës nuk kanë qenë bindëse. Hezitimet e tij për t’u futur në betejë dhe strategjia për të luajtur në mbrojtje duket e dështuar.
Së dyti, një pjesë e mirë e popullit opozitar nuk i ka besuar revolucionit të Berishës, ama ia ka ngrënë rrenat kundër ish-njeriut të tij më të afërt.
Së treti, konspiracioni se ka një aleancë Rama-Basha u rrëzua. Po të kishte diçka të tillë, nuk do dilte ky rezultat. Përkundrazi, suporti i oligarkisë për foltoren ka dhënë efekt.
Së katërti, revolucioni po ha vetveten. Të dyja palët vetëm kanë humbur duke shkatërruar opozitën, pavarësisht nga gëzimi idiot i njërës palë, të ekzaltuar nga fakti që tjetri u dëmtua më shumë.
Së pesti, i vetmi i fituar në këtë mes është Rama, i cili e ka thelluar në mbi 60 përqind fuqinë e vet elektorale duke e pasur tashmë të shtruar rrugën për t’u bërë mbret.
Urime!