Një 50-vjeçar është gjetur i pajetë në banesë këtë të Diel. Sipas bluve, burri i cili kishte disa ditë që kishte humbur kontaktet me familjarët, është vetëvrarë.
“Më datë 14.11.2022, rreth orës 17:00, në Komisariatin e Policisë Kukës, ka bërë kallëzim shtetasi Y.K., se kishte disa ditë që kishte humbur kontaktet me të afërmin e tij, shtetasin A.K. Menjëherë, shërbimet e Policisë dhe të zjarrfikëses, së bashku me shtetasin Y.K., kanë shkuar në banesën e shtetasit A.K. Shërbimet e zjarrfikëses kanë hapur me forcë derën e cila ishte e mbyllur nga brenda dhe në banesë kanë gjetur të pajetë shtetasin A. K., 50 vjeç, i cili jetonte i vetëm”, njoftoi policia.
Nga hetimet paraprake, dyshohet se shtetasi A.K., në gjendje depresioni, është vetëvrarë, disa ditë më parë, duke prerë damarët me thikë.
“Në vendin e ngjarjes grupi hetimor gjeti dhe sekuestroi në cilësinë e provës materiale thikën me të cilën dyshohet se ai është vetëvrarë, ndërsa grupi hetimor,nën drejtimin e Prokurorisë pranë Gjykatës së Rrethit Gjyqësor Kukës, vijon hetimet për sqarimin e plotë të rrethanave të ngjarjes”, shtuan të njëjtat burime.
Discussion about this post