Kreu i Partisë Demokratike, Lulzim Basha ka kujtuar 55 vjetorin e shembjes së kishave dhe xhamive, nga ana e regjimit komunist të kohës. Basha shkruan në rrjete sociale, se në këtë përvjetor duhet nderuar sakrifica bujare e klerikëve dhe besimtarëve që mbajtën ndezur besimin.
Ndër të tjera Basha thekson se modelet komuniste vijojnë të dëmtojnë lirinë dhe besimin.
“Në këtë përvjetor ne duhet të nderojmë sakrificën bujare të klerikëve dhe besimtarëve që e mbajtën ndezur dritën e besimit nën terrorin e regjimit komunist. Dekadat e ankthit dhe shkretëtirës shpirtërore e morale nuk duhen harruar kurrë. 30 vitet e tranzicionit nuk e kanë bërë drejtësinë për atë terror të pashembullt. Modelet e asaj tradite të keqe komuniste vijojnë të lëndojnë lirinë dhe virtytin e besimit”, shkruan kryedemokrati.
Discussion about this post