“6 marsi”/ Publikohet lista e zgjedhësve, të drejtën e votës e kanë 654,538 qytetarë

Thuajse më shumë se një muaj para zgjedhjeve lokale të 6 marsit, Ministria e Brendshme ka publikuar listën përfundimtare të zgjedhësve që kanë të drejtën për të votuar për kryetar bashkie në 6 njësi të qeverisjes vendore.

Nga të dhënat e gjeneruara nga Drejtoria e Përgjithshme e Gjendjes Civile të drejtën e votës e kanë 654,538 shtetas shqiptarë me të drejtë vote, 10,134 prej të cilëve votojnë për herë të parë.

Çdo qytetar është i lutur të verifikojë emrin e tij në listën e zgjedhësve, ndërsa për çdo pretendim mund t’u drejtohet zyrave të Gjendjes Civile në bashki dhe njësi administrative. Lista përfundimtare e zgjedhësve përmbyll kështu procesin e hartimit dhe shpalljes së Listës së Zgjedhësve.

Njësitë vendore ku do të mbahen këto zgjedhje janë bashkia Shkodër, Dibër, Durrës, Vorë dhe Rrogozhinë