Sot do të jetë dita e 7 që qytetarët mblidhen në protesta dhe Erion Veliaj, si një nga përgjegjësit nuk ka bërë asnjë reagim. Përkundrazi për kaq ditë vetëm ka bërë sehir dhe shpenzoi paratë për një koncert.
Ndërkaq një reagim i koduara ka ardhur ditën e sotme në një daje që pati me kryeministrin Edi Rama në Facebook. Ashtu si shefi i tij, edhe Veliaj sulmoi protestat qytetare kundër rritjes së çmimeve. Gjatë fjalës së tij nga Facnbeook, Veliaj mohoi ekzistencën e varfërisë ekstreme në vend.
“Ne s’jemi të pasur por atë lloj varfërie ekstreme që e shef në shumë kryeqytete ne e kemi mitiguar. Një pjesë është mitiguar duke ulur pagesën e energjisë, taksat, tatimet, TVSH. Një pjesë tjetër megjithë këtë rrjet social ku ne ndonjëherë akuzohemi te avokati i Popullit që i marrim me dhunë në situatë minus zero, disa që le të themi punojnë në jetën e natës, ose duan të flenë në rrugë. Ku detyrohemi të themi ‘jo, sa është minus 0 ti do vish me detyrim në një vend të ngrohtë dhe pastaj nëse do të jetosh në një cep”, tha Veliaj.
Më tutje, duke iu referuar edhe njëherë grumbullimeve për të protestuar, Veliaj i quajti ato një pakicë zhurmuese. “Shumica e heshtur e Tiranës, është jo vetëm është disa herë më e madhe, por disa herë më e përgjegjshme se një pakice e zhurmshme që sa herë që hapet shesh për përshesh është prezente”, sulmoi ai më tej protestat qytetare. Ndërsa, kujtojmë se deri më sot ai as për protestat e “5 Majit” as për protestat e rritjes se çmimeve nuk ka bërë asnjë reagim.
Discussion about this post