Në një prononcim për mediat, babai i 10-vjeçarit Sevastian Laska që u mbyt në lumin Fan, Vladimir Laska, ka kërkuar shtimin e forcave që të vijojnë me kërkimin e trupit të djalit të tij. Edhe pse kërkimet për trupin e djalit të tij vijojnë prej 7 ditësh, sipas tij nuk janë të mjaftueshme dhe profesionale për aq kohë sa ende nuk kanë rezultate. Laska kërkon intensifikim të kërkimeve dhe pajisjen e palombarëve me mjete që mund të mundësojnë gjetjen e trupit të vogëlushit.
“Këta sa munden po kërkojnë, por nuk është mjaftueshëm, duhet të ndërrohen, të zëvendësohen, duhet të kenë më shumë gjëra që të zhytën, të kenë pajisje, mjete që të kërkojnë. Por sa mund të rezistojnë në ujë këta? Është uji shumë i ftohtë. Mjetet që kanë ndoshta nuk janë të mjaftueshëm për këtë lloj kërkimi. Ka një javë që nuk kemi asgjë, asnjë rrobë, asgjë”- tha Laska ndër të tjera.
Kujtojmë se 10-vjeçari, Sevastian Laska u mbyt shtatë ditë më pasi ishte duke luajtur me shokët e tij. Në tentativë për të kapur topin i cili i ra në lumë, 10-vjeçari ka rënë duke u mbytur 20 km larg vendit ku luante me shokët.
Discussion about this post