Real Madrid do të përballet sonte (ora 19:00) me një provë të vështirë ndaj Sevillas, skuadër e cila do kërkojë të bëjë ndeshjen e jetës ndaj klubit madrilen.
Carlo Ancelotti është i fokusuar për të mbyllur në vendit e dytë të këtij sezoni në La Liga, diçka që ata do ta kërkojnë intensivisht në dy ndeshjet e fundit.
Trajneri italian i ka thënë tashmë skuadrës se duhet fituar sot në stadiumin Ramón Sánchez-Pizjuán, për këtë arsye ai u ka kërkuar lojtarëve të tij të shmangin gabimet ‘amatoreske’.
Ky duel për Real Madridin nuk do të jetë i lehtë, sidomos me numrin e madh të mungesave që ka në ekip, kryesisht në sulm, pasi Karim Benzema, Vinicius Jr., Marco Asensio dhe Mariano Díaz nuk do të mund të jenë pjesë të lojës.
Megjithatë, vetë Florentino Pérez i ka kujtuar Carlo Ancelottit rëndësinë e përfundimit në vend të dytë në La Liga.
Kjo pasi 25% e shpërndarjes së të drejtave televizive bëhet në bazë të rezultateve sportive, diçka që nuk është pak, pasi diferenca mes të qenit i dyti apo i treti është 7 milionë euro.
Ligji përcakton se 25% e shpërndarjes së parave të të drejtave televizive bazohet në rezultatet sportive të klubeve, sipas Dekret-Ligjit Mbretëror 5/2015, miratuar në Kongresin e Deputetëve.
I klasifikuari i dytë merr përafërsisht 53.51 milionë, ndërsa skuadra që përfundon e treta në renditje do të marrë afërsisht 46.37 milionë, një motivim shtesë për mbretërorët për të qëndruar përpara Atlético de Madrid.
FORMACIONI ZYRTAR:
Discussion about this post