77-vjeçare Cher tregon pse del me djem të rinj

“Kjo ndodhi sepse isha pak nervoze për reputacionin e tij. Jam realisht pak e turpshme ndaj meshkujve”, ka thënë artistja në emisionin “The Jennifer Hudson Show”. Ajo ka shpjeguar gjithashtu pse viteve të fundit kalon kohën kryesisht me meshkuj më të rinj.

“Arsyeja pse dal me djem më të rinj është se meshkujt e moshës sime ose më të moshuar… Epo, tani të gjithë janë të vdekur. Edhe më parë frikësoheshin të më afroheshin, ndërsa meshkujt më të rinj ishin të vetmit që…”, ka thënë këngëtarja.

Moderatorja: Janë më të guximshëm

Cher: Po, janë edukuar nga gra si unë

Ylli është në lidhje prej dy vitesh me një djalë 40 vjet më të ri se mosha e saj.

Cher ka qenë për disa vite në një marrëdhënie me reperin 40 vjet më të ri, Alexander Edwards. Çifti u pa për herë të parë në nëntor të vitit 2022 duke u mbajtur për dore në Los Angeles, dhe ajo u shfaq për herë të parë me Edëards në tapetin e kuq në mars vitin e kaluar kur u puthën para kamerave.

Vitin e kaluar në shtator, në një shfaqje mode të “Balmain” në Paris, ata zyrtarisht konfirmuan se janë në një lidhje. Artistja e famshme ka qenë e ftuar vitin e kaluar në “The Kelly Clarkson Shoë”, ku ka komentuar për diferencën e madhe të moshës ndërmjet saj dhe Edëards.

“Në letër, kjo tingëllon pak e çuditshme, por në realitet ne përshtatemi shkëlqyeshëm. Ai është i jashtëzakonshëm, dhe unë nuk i atribuoj burrave cilësi që nuk i meritojnë. Shumë i sjellshëm, i zgjuar, i talentuar dhe vërtet argëtues”, tha ajo atëherë. “Nëse nuk do të kisha takuar meshkuj të rinj gjatë jetës sime, nuk do të kisha dalë kurrë në ndonjë takim sepse burrat më të moshuar nuk më pëlqenin aq shumë”, shtoi ajo.