Një notare angleze 79-vjeçare, ka deklaruar, pasi fitoi medaljen e artë, se i pëlqen të argëtohet. Jeanne Ansley, nga Walton, konkurroi në Swim England Artistic Swimming Combo Cup në Ponds Forge në Sheffield. Duke përfaqësuar klubin e saj të notit, ajo performoi solo në këngën Raise You Up të Josh Groban dhe mori një ovacion të fortë nga gjyqtarët të dielën e kaluar.
Jeanne Ansley e cila noton për dy orë në ditë tha: “Gjendja ime është më e mirë tani se sa ishte në të 20-at e mia”.
Jeanne, nga Klubi i Sinkronizuar i Notit të Qytetit të Leeds, mori pjesë në performancën Free Solo në kategorinë e moshës 70-79 vjeç dhe i tha BBC-së: “Thjesht ndihem si në shtëpi në ujë”.
Jeanne ishte një zhytëse konkurruese deri në moshën 18-vjeçare, dhe më pas filloi notin e sinkronizuar në fund të viteve 1960.
Ajo fitoi konkursin e saj të parë ndërkombëtar në 1972, dhe përveç një pauze 20-vjeçare për të drejtuar një klub arti ujor, që atëherë ka bërë sinkronizim.
Ajo tha: “Unë jam notarja më e vjetër e sinkronizuar në Evropë, dhe besoj se të dielën ishte hera e parë që gjyqtarët kishin duartrokitur një garues në këtë vend”.
“Më pëlqen të performoj dhe megjithëse nuk jam aq e shpejtë sa dikur, jam po aq e fortë”, raporton “BBC”.
Jeanne, nga Walton, ka qenë një notare e sinkronizuar për më shumë se 50 vjet dhe noton çdo ditë për dy orë.
Jeanne, e cila fitoi medaljen e saj të parë ndërkombëtare në vitin 1972 ka thënë: “Nuk ndihem aq e vjetër sa jam, dhe ngaqë jam e vjetër, më vlerësojnë më shumë! Vitin e ardhshëm do të jem në kategorinë 80 deri në pafundësi”.
Discussion about this post