Në takimin e tij në Lezhë, ish-kreu i PD, Sali Berisha deklaroi se më 8 janar, demokratët u sulmuan nga Rama. Berisha tha se demokratët u dhunuan nga polica e cila drejtohej nga Rama në bashkëpunim me Bashën, por theksoi këtu se urdhrat kryesorë kanë ardhur nga Beogradi.
Sipas Berishës, Rama vepron nën hijen e Vuçiç. “8 janari është faqja më e zezë në 30 vite e një qeverie shqiptare. Më 8 janar, Edi Rama faktoi se ai me mënyrat e tij kriminale, ishte autori i vërtetë i pushtimit të shtëpisë sonë, shtëpisë së PD-së.
Çfarë ndodhi? Më 8 janar, në një skenar të parapërgatitur, ai vërsuli me kërkesa direkte nga Beogradi, të faktuara, hordhitë e narkobanditëve me uniformë, kundër demorkatëve paqësorë. E them këtë të Beogradit, sepse Baston Stanishiçi është Mugosha i ri në PS dhe në Shqipëri. Mugosha i ri, e ka marrë 6 herë në telefon Edi Ramën, pas urdhrave që i vinin nga Beogradi. Mbro Lul Bravën. Ai nuk e mohoi këtë kur ia përplasën përfaqësuesit tanë,” tha Berisha.
Pas 8 janarit, Berisha akuzoi Ramën se dërgoi policinë që të dhunonte protestuesit dhe kjo gjë ishte kërkuar me ngulm nga Basha.
Discussion about this post