Dashnor Sula dhe Edmond Spahos janë përplasur ashpër me njëri-tjetrin sot në një studio televizive teksa po diskutonin rreth protestës së 8 janarit. Sula tha se nëse nuk do të ishte dera e blinduar brenda në selinë blu do të bëhej kasaphanë. Sipas tij protestuesit e karikuar për dhunë atë ditë do të vrisnin Lulzim Bashën. Ndërsa deklarata e tij është kundërshtuar nga Spaho, i cili thotë se Basha mbrohet nga Garda, pasi kishte bërë pakt me Ramën për të nxitur dhunë.
Pjesë nga debati:
Dashnor Sula: Pas datës 8 janar i gjithë opinioni publik e di. Nga ai moment që të arrihet të përplasen vëllezër me vëllezër nuk ka bërë vaki kurrë të thërritet.
Edmond Spaho: Deri dje thonit policia e krimit…
Dashnor Sula: Shyqyr që ka qenë ajo derë se ti s’do flisje këtu sot. Do ishte kasaphanë aty brenda.
Edmond Spaho: Do vriteshin deputetë?
Dashnor Sula: Jo ti, po njerëzit e tuaj të karikuar do të vrisnin Lulzim Bashën
Edmond Spaho: Bashën e mbron garda.
Dashnor Sula: Para se të shkoje në foltore i merrje ti vendimet, për Kullurin e të tjerë
Edmond Spaho: Asnjë nuk kam përjashtuar. Flasim edhe për djegien e mandateve
Dashnor Sula: Të vish të sulmosh selinë me të gjitha mjetet e dhunshme.
Discussion about this post