Për të mbërritur në kohë në takimin me Papa Françeskun në Vatikan, Presidenti i Shteteve të Bashkuara të Amerikës, Joe Biden, së bashku me Zonjën e Parë, Jill, kanë përdorur një karvan me 85 makina duke gjarpëruar në rrugët e Romës.
Mediat e huaja shkruajnë se makina e presidentit amerikan, e njohur ndryshe si “Bisha” printe të gjitha mjetet e vendosura në dispozicion të tij. Vargu i gjatë i makinave ishte i domosdoshëm për shkak të rregullave strikte të koronavirusit në Itali, sipas të cilave brenda një makina mund të udhëtojnë vetëm 3 persona, me gjithë shoferin.
Presidenti i SHBA-ve dhe Papa kanë diskutuar për 75 minuta me dyer të mbyllura, edhe pse ishte parashikuar se takimi i tyre do të zgjaste vetëm 1 orë. Për krahasim, në vitin 2017, takimi mes Papës dhe Donald Trump zgjati vetëm 30 minuta, ndërsa në vitin 2014, takimi me ish-presidentin Obama, zgjati 52 minuta.
Biden është katoliku i dytë që drejton Shtëpinë e Bardhë, para tij ishte presidenti i vrarë, John F. Kennedy. Biden i dhuroi Papës një veshje liturgjike të realizuar në vitin 1930 nga rrobaqepësi papal Gamarelli dhe u përdorur nga urdhri Jezuit i Papës në Shtetet e Bashkuara.
Ndërsa Papa i dhuroi Biden-it një pllakë qeramike me një pelegrin të gdhendur në të, si edhe një koleksion të dokumenteve të Papës, tha Vatikani.
