Kushtet në Cirkun Kombëtar, janë për të ardhur keq. Artistët vazhdojnë të kërkojnë një ambient për zhvillimin e aktivitetit artistik, por ende nuk kanë marrë një përgjigje nga ministria e Kulturë, ndërkohë që ata kanë propozimet e tyre.
Zgjidhja e vetme që ministria e Kulturës dha në situatën kaotike, të mbylljes së çadrës ishte palestra e shkollës Sinan Tafaj për stërvitjen e fëmijëve të studios së cirkut, refuzuar nga mjeshtrat dhe artistët, të cilët nuk kanë shkelur në të, veç ditës së prezantimit nga Margariti.
Megjithëse pa dhoma zhveshje e tualete, artistët çdo ditë stërviten në palestrën e shpëtuar për të mbajtur trupin në formë.
Shqetësim për ta mbetet edhe mos përfshirja e Cirkut Kombëtar, në buxhetin e paraqitur nga Margariti për 2022.
Discussion about this post